منیم تک دیوانه گوریبسن هر گِجه راهی میخانه اولا!؟
ذهنی مشغول سنه الینده دولی پیمانه اولا!؟
مست اولا،هذیان دیره،ال چالا باش گوزینه
آغلیا دیوانه اولا،بوجور سوزلری جانانه اولا!؟
ایله عشقونده یانا،دین و ایمانی دانا
هیچ بیله بیرکس گوریبسن دینه بیگانه اولا!؟
غمیلن ال اله چالا،عشقیدن عالمه ولوله سالا
هیچ بیله اورک گوریبسن کی عالمه غمخانه اولا!؟
گورخیم یوخ بو شعریدن کی اولمیا جاودانه لیغی
گورخیرام سن کیمی تاپماغ عالمه افسانه اولا!
بیله بیر داستان گورممیشدیم عمریمده ریاحی
گیجه گوندوز یانا بیر کس،سوزلری عاشقانه اولا!
(شعر:میثم ریاحی)